宝玉洗过了脸，阿金问道：“大先生，今朝阿要到格搭去勒介？”宝玉道：“辰光末还早，奴要重新梳（读师）起头来，一样一样格装扮舒齐，只怕天要夜（读雅）哉。横势奴吃力煞勒里，养息养息勒明朝去罢。”阿金道：“蛮好蛮好。倒是间搭栈房，亦是小，亦是龌龊，比仔上海，真真天浪地浪，连脚丫里格老亲娘才勿及如，幸亏得倪顶多住一两个礼拜就要转去格，勿然说啥别样，就是俚笃格种小菜，腥气得呒淘成，吃仔要败胃格。大先生，哪哼吃得进嗄？阿要夜里到馆子浪叫仔几样罢？”阿珠道：“间搭格馆子，作孽哉，呒不一样菜好吃格！”宝玉道：“倪吃惯仔上海格末，自然愈加见得勿好哉，故歇到仔间搭，亦叫呒设法，且得试试看。”三人闲讲了一回，当日毫无别事，不须烦絮。
待到来朝，宝玉一早起身，洗面梳头，浓妆艳抹，打扮得光华射目，香气袭人，身上换了一件湖色夹纱衫，腰系茜纱红裙；下边露出宝蓝缎金绣花鞋，颇有大家风韵。斯时轿子已命茶房唤到，停在门前伺候，宝玉便吩咐阿金带了自己名片，遂即出门乘轩而往。阿金、阿珠在前摆轿，学着苏州大人家的规矩，缓缓前行。由栈至彼，相离甚近，穿过了一条巷，已到钱慕颜家门首。